Nakabsan sa kinabuhi ang usa ka lalaki human gi ambush.
Ang krimin nahitabo didto sa Sitio Mantatong, Barangay Mangyan, Lungsod sa Sibonga, Probinsya sa Sugbo, pasado alas 9:00 kagahapon sa buntag, Mayo 10, 2023.
Ang biktima giila sa Sibonga Police Station na mao si Damacio Caballes Jr. 56 anyos ang panuigon.
Sa inbestigasyon nagmaniho sa iyang motorsiklo ang biktima sa dihang gi atangan kini sa mga wala matino nga mamumuno.
Nakahiagom og daghang samad pinusilan ang biktima na maoy hinungdan sa hinalaling kamatayon.
Ang kapulisan padayon nagpa ubos sa back check ni Caballes aron pagsuta kung wala ba kini giaway o kaha nalambigit sa illegal nga binuhatan.
Sa pagkakaron padayon gisuta ang motibo sa maing krimin. (Renante Lada, photo credits to the owner)