Sa usa ka kusog ug hapsay nga operasyon nga nagpadayag sa kaisog ug katakos sa kapulisan, nasikop na gyud ang usa sa pinaka-idlas ug pinangita nga kriminal sa Central Visayas, nga Top 4 sa rehiyon, Top 5 sa probinsya, ug Top 1 target sa siyudad.
Gidumala ang operasyon sa tracker team sa Talisay City Police Station ubos sa pagpangulo ni PLTCOL Maila C. Maramag, nga nakigtambayayong sa Regional Intelligence Division (RID). Gipatuman ang dakop sa Purok Bayabas, Barangay Lawaan 3, Talisay City niadtong Hulyo 19, 2025, bisan pa sa dautang panahon ug pagsukol sa suspetsado.
Gisikop ang lalaki sa duha ka warrant of arrest tungod sa paglapas sa Comprehensive Law on Firearms and Ammunition ug Section 11 sa Republic Act 9165 (Illegal Possession of Dangerous Drugs).
Nasayran nga gipasabot sa kapulisan ang suspetsado sa iyang katungod ubos sa Konstitusyon ug karon anaa na kini sa kustodiya samtang naghulat sa turnover ngadto sa korte. Ang mga warrant of arrest giisyu ni Hon. Benison Mantos Mahawan, Presiding Judge sa RTC Branch 65 sa Talisay City.
Gipaluyohan usab kini nga kampanya batok kriminalidad sa liderato ni PBGEN Redrico A. Maranan, Regional Director sa PRO7, nga nagtinguha sa usa ka moderno, disente, ug tawhanong respetado nga kapulisan.
Sa laing bahin, si Cebu Gobernador Pamela S. Baricuatro sa mipadayag nga dili siya magduha-duha nga pukanon ang mga nakalapas sa balaod.
Karon, ang kadaugan sa kapulisan nagpamatuod nga ang iyang mga pulong dili lamang pahimangno kundili usa ka tinud-anay nga aksyon.
Source: CPPO
I via Renante Socia Lada