Padayon karon nga gipangita sa kapulisan sa lungsod sa Argao ang usa ka konsehal sa barangay nga nakapusil sa iyang konstitowenti.
Ang pagpamusil nahitabo pasado alas 11:00 kagabii, Agosto 6, 2023, didto sa Barangay Balaas, lungsod sa Argao, probinsya sa Sugbo.
Ang biktima giila sa Argao Police Station nga mao si Rolando Abrigana, 54 anyos ang panuigon, residenti rapud sa maong lugar.
Naila usab ang suspetsado nga mao si Jerfil Cabanas, 32 anyos ang panuigon, konsehal sa maong Brgy.
Sa inbestigasyon sa Argao Police Station nasayran nga samtang nag roving ang maong konsehal kuyog sa laing konsehal ug mga Brgy.Tanod ilang naagian ang biktima.
Matud pa nga gi kataw-an ang konsehal ni Abrigana tungod sa yawi sa sakyanan nga wala natarong paggamit.
Sa kasuko sa konsehal gipusil ang biktima nga naigo sa tiyan dayon sibat sa maong lugar. (Renante Lada)