Iriga: Bagong rescue vehicles, pig-turn over sa MDRRMO

0
9

Duwang rescue vehicles an pormal na pig turn-over san lokal na gobyerno ning Daraga sa Municipal Disaster Risk Reduction and Management Office (MDRRMO) nung Biyernes, Agosto 4, 2023.

Pinangenotan mismo ni Mayor Awin Baldo an turn- over san duwang behikulo na pigproponer gyalin sa DRRM Fund.

Segun ki Mayor Baldo, piga-enghwa san lokal na gobyerno na matawan ninh prayoridad an pagkaayo ning rescue vehicles nganing mapadali an pagresponde sa mga emerhensya lalo na ta an banwa usad sa mga calamity dangan accident prone areas.

“Dadagdagan ta pa yan nganing mas makapagtaw kita ning maray na serbisyo, partikular sa emergency response,” segun ki Mayor Baldo.

An duwang rescue vehicles, naka-disenyo talaga para sa pag-responde sa mga aksidente.

Segun man ki Engr. Bim Dineros, an LDRRMO, sa presente usad na pick-up truck an piga-gamit ninda sa pag-responde, dangan duwang patient transport ambulance, kun kaya dakulong tabang an pagkaayo ning bagong rescue vehicles para saynda.

Sa sunod na tawn, nakatalaan man na magprokupar ning crashed extrication vehicle an MDRRMO.

(Source: Daraga Albay PIO)

Leave a Reply