Nagkaguliyang ang Alcoseba Resort sa Barangay Pooc, Talisay City kagabhion, Martes, Septyembre 2, 2025, human 19 ka tawo ang naospital tungod sa paglisyd og ginhawa tungod sa aso gikan sa kemikal.
Base sa inisyal nga report nga nadawat ni Mayor Gerard Anthony “Samsam” Gullas, adunay drum sa chlorine nga naguba ug mibuto nga maoy hinungdan sa pagsuka, kasakit sa mata, kalibanga, ug kalisod sa ginhawa sa mga tawo nga naapektuhan.
Sa pikas bahin, misaysay ang management sa resort nga wala kuno’y tinuod nga “explosion.” Ang nahitabo mao ang aksidenteng paghumol sa chlorine ug muriatic acid sa usa ka balde nga maoy nagpagawas og hugaw nga aso.
Gimandoan ni Mayor Gullas ang temporaryong pagsira sa resort aron masuta sa mga otoridad ang tinuod nga hinungdan ug malikayan ang susamang disgrasya sa umaabot.
I via Renante Socia Lada