33.8 C
Manila
Friday, March 29, 2024

Cebu: Kataas sa proseso tali sa City ug National government naka tampo sa kalangay sa pag-release sa sweldo ug allowances sa mga healthcare workers – CHD

- Advertisement -

Cebu City – Giangkon sa opisyal sa Cebu City Health Department (CHD) nga ang kataas sa proseso tali sa City ug national government naka tampo sa kalangan sa pag release sa salaries ug allowances sa mga healthcare workers.

Visit RPN DYKC Cebu

Pero, gipasalig ni Dr. Jeffrey Ibones, CHD head nga mapadali ang paghatag sa allowances sa ilang mga empleyado.

Gidugang ni Ibones nga ang ilang buhatan nagpadayon sa pag follow-up sa mga appointment papers sa ilang mga job order (JO) employees aron ma hatag na ang mga ilang sweldo alang sa buwan sa Hulyo ug sa Agosto.

Niadtong Domingo, Septembre 4, usa ka CHD nurse ang mipahibaw nga wala pa sila maka dawat sa ilang One Covid Allowane (OCA) sukad sa buwan sa Enero ug duha ka buwan nga sweldo.

Matod sa nahisgutang nurse nga daghan sa ilang mga kauban ang miundang na sa ilang mga trabaho gumikan sa kalangan sa ilang suholan ug allowances.

Nagkanayon si Ibones nga ang pag release sa OCA nag depende kung unsa ka paspas mo process ang national government tungod kay matod pa ang pepartment of Health (DOH) Central Office.

Ang distribution sa OCA ngadto sa mga medical frontliners pinasubay sa Republic Act 11712, ang balaud nga nag grant ug mandatory continuining benefits and allowances to public and private healthcare workers during the Covid-19 pandemic and other future public health emergencies.

Matod ni Ibones nga ang lista sa OCA recipients i check sa DOH office Central Visayas, dayon i validate sa DOH Central Office; ibalik kini sa CHD kung dunay mga sayop ug ang CHD maoy mo correct dayon i balik ug submit.

Nagkanayon si Ibones nga ila nang na duso ang OCA sa mga casual ug regular nga mga empleyado sa CHD, ug sud ning semanaha, duna nay mga JO nga maka dawat.

Sigon pa ni Ibones nga dili hinoon mahimo sa usa ka batch ang distribution sa OCA sa mga JO workers tungod kay nag depende kini sa mga pangalan nga i hatag sa DOH Central Office.

Dugang pa niya nga ang OCA sa Enero ug Pebrero na release pero ang allowance sa Marso, Hunyo ug Hulyo gi process pa.

“Assured na man na kay gihatag na man nato. Wala lang nagkadungan tanan kay naa may mga problema. Mangayo lang ta og gamay pasensya kay dili man na atoang budget,” pasabot ni Ibones.

Si Ibones mi angkon nga ang mga JO employees nga nag trabaho sukad sa Hulyo 2022 wala pa mahatagi sa ilang appointment papers sa City Government.

Gipasalig hinoon niini ngadto sa mga healthcare workers nga madawat ang ilang dokumento tungod kay gipirmahan na ni Mayor Michael Rama ang manpower request sa CHD.

Gipahibaw ni Ibones nga dunay mokabat 400 ka mga casual ug regular nga mga empleyado sa ilang department, samtang dunay 358 ka mga healthcare workers ang ubos sa job order basis nga dunay kontrata nga tag tulo ka buwan. (Jhon Tadlip)

(Source: City Health Department- Cebu City, photo courtesy by Ruggero Alvarado)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -