Nagpadayon ang gobyerno sa probinsya sa Cebu sa pag-repack ug pag-apod og bugas para sa mga drayber, mananagat, mag-uuma ug uban pang kabus nga sektor nga naapektuhan sa pagsaka sa presyo sa lana ug mga palaliton.
Ang maong kalihokan gipangulohan sa Provincial Social Welfare and Development Office (PSWDO) ug Cebu People’s Action Center (CPAC).
Giandam ang mga bugas aron dali kining mahatag sa mga nanginahanglan sa lain-laing lugar sa probinsya.
Sumala sa kapitolyo, kabahin kini sa ilang tabang aron maminusan ang epekto sa krisis sa Middle East nga nakaapekto sa presyo sa petrolyo ug mga baligya.
Gawas sa bugas, naghatag usab ang probinsya og fuel subsidy sa mga drayber, libreng sakay, ug magpalit pa og dugang 20,000 ka sako sa bugas aron mas daghan ang matabangan.
Padayon ang tabang sa gobyerno aron masuportahan ang mga Sugbuanon sa panahon sa kamahal sa palaliton.
Source: Cebu Province PIO
I via Renante Socia Lada