Nadakpan ang usa ka high-value drug suspect nga nailhang alias “Benan” human sa buy-bust operation sa Barangay San Isidro, Dauis, Bohol sa gabii sa Hulyo 17, 2026.
Sa operasyon, nasakmit ang 551.1 ka gramos sa gituohang shabu nga adunay gibana-banang kantidad nga ₱3.7 milyon. Narekober usab ang ubang gamit nga may kalabotan sa ilegal nga drogas.
Ang operasyon gihimo sa Bohol Police Provincial Office uban sa PDEA Region 7. Ang mga nasakmit nga ebidensya gidala sa laboratoryo alang sa eksaminasyon.
Samtang ang nadakpan nga suspek gipriso na ug kasohan sa paglapas sa Comprehensive Dangerous Drugs Act of 2002.
Sumala sa PRO7, magpadayon ang ilang kampanya batok sa ilegal nga drogas aron mapanalipdan ang kaluwasan sa mga komunidad sa Central Visayas.
📸 PRO7
I via Renante Socia Lada