Gibanabana nga miabot sa ₱15,838,566 ang danyos sa sunog nga nahitabo sa Why Not Resto Bar ug Paseo Perdices sa Rizal Boulevard, Poblacion 4, Dumaguete City, hapon sa Hulyo 15, 2026.
Sumala sa Bureau of Fire Protection (BFP), nadawat ang alarma alas-3:21 sa hapon ug miabot dayon ang mga bombero sulod sa usa ka minuto.
Gisang-at ang first alarm alas-3:21, second alarm alas-3:30, ug third alarm alas-4:10 sa hapon. Napailalom sa kontrol ang sunog alas-4:35 sa hapon ug hingpit nga napalong alas-6:36 sa gabii.
Hingpit nga nasunog ang Why Not Resto Bar, samtang partial damage lamang ang natala sa Paseo Perdices. Mikabat sa 1,055.9 square meters ang apektadong lugar.
Mitabang sa operasyon ang mga bombero gikan sa Dumaguete City, Sibulan, Bacong, Valencia, Dauin, ug San Jose Fire Stations, uban sa mga boluntaryo, CDRRMO, ug PNP. Sa kinatibuk-an, 55 ka responders ang miapil sa pagpalong sa sunog.
Walay naangol o namatay sa maong insidente. Padayon pa ang imbestigasyon sa BFP aron mahibal-an ang hinungdan sa sunog.
I via Renante Socia Lada and Roy Orteg