Nagmalampuson ang gihimo nga buybust operation sa mga sakop sa Talisay City Police Station batok sa usa ka tigpayuhot og ginadiling drugas.
Pasado alas 10:00 kagabii, Hulyo 30, 2023, didto sa Sitio Kimba, Barangay San Roque, siyudad sa Talisay.
Ang suspetsado giila sa kapulisan sa Talisay Police Station nga mao si Robert Bonghanoy Fernan, 31 anyos ang panuigon, residenti sa Purok Avocado, Barangay Maghaway, sa mao ra nga siyudad.
Nakuha sa iyang position ang mga binultong shabu nga adunay timbang nga 5.5 kilos ug street value nga P37.4 milyon.
Gawas sa drugas nakuha usab sa position sa suspetsado ang 45 kalibre sa armas de fuego ug mga buhing bala.
Sumala sa kapulisan sa sa Talisay City Police Station nga si Fernan, nanag-iya og junk shop diin naila kini nga usa ka Bodegero.
Nasayran usab nga kanhi na nadakpan si Fernan sa susama ra usab na binuhatan.
Sa pagkakaron gisuta pa sa kapulisan kung si kinsa ang tig supply og ginadiling drugas sa dinakpan samtang giandam na usab ang tukmang kaso niini. (Renante Socia Lada, photo courtesy of Talisay City Police Station)