Nagmalampuson ang gihimo nga buy-bust operation sa kapulisan sa Mandaue City Police Office (MCPO) batok sa usa ka durugista.
Didto kini gipahigayon sa Barangay Bakilid, Siyudad sa Mandaue, kagahapon sa kadlawon, Enero 8,2023.
Ang suspetsado nga nasikop giila nga mao si Deive Lonie Portillo, 27 anyos ang panuigon, residenti sa Barangay Umapad sa susamang Dakbayan.
Mga binultong shabu ang nakuha sa position ni Portillo nga adunay street value nga P3.4 milyon.
Usa kini ka hiniusang operation tali sa City Intelligence Unit ug Drug Enforcement Unit nga taud-taud na nilang gipanid-an ang suspetsado.
Sa nasayran nga ang dinakpan kanhi napriso sa kasong paghupot og ginadiling drugas niadtong tuig 2019 apan nakagawas kini.
Ang kapulisan sa MCPO nagpalawom pa sa ilang imbestigasyon aron pagsuta kung si kinsa ang tinubdan sa ginadiling drugas sa naasoy nga durugista. (Renante Lada, photo courtesy of MCPO)