31.9 C
Manila
Thursday, March 28, 2024

Cebu: Kapin sa P14 milyones ga-balor sa ginadiling drugas nasakmit sa mga durugista

- Advertisement -

Nagmalampuson ang gihimo nga buy-bust operations sa kapulisan ug sa PDEA-7 batok sa duha ka mga suspetsado nga durugista.

Pasado alas 5:00 kagahapon sa hapon, Marso 11, 2023, gilusad ang buy-bust didto sa B. Aranas Street Barangay San Nicolas Proper, Dakbayan sa Sugbo.

Ang mga suspetsado giila nga sila si Aljan Mijares Langga, 20 anyos ang pangidaron, nag abang didto sa Barangay Mambaling, ang kauban niini naila usab nga si Hardy Paquite, 41 anyos ang panuigon, taga Barangay Cogon Pardo, Siyudad sa Sugbo.

Mga binulto sa ginadiling drugas ang nakuha sa ilang position nga adunay timbang nga duha ka kilo ug street value nga P14.7 milyon.

Ang mga sakop sa Regional Police Drug Enforcement Unit ug Philippine Drug Enforcement Agency (PDEA-7) maoy nihimo sa maong operation.

Sa nasayran nga si Langga maka baligya og tagsa ka kilo nga ginadiling drugas matag semana ug kanhi usab kini nga piniriso sa kaso nga pagkupot sa illegal nga armas apan naka gawas human naka piyansa.

Ang kapulisan ug PDEA-7 padayon pa sa ilang imbestigasyon kung si kinsa ang mga kaubanan sa mga dinakpan ug tinugdan sa illegal nga drugas.

Sa pagkakaron giandam na tukmang kaso batok sa duha mga suspetsado nga durugista. (Renante Lada, photo credits to the owner)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -