Malapatan, Sarangani Province – Gipangita sa kapulisan ang duha ka lalaking sakay sa motorsiklo human gitudlong pag pang-ambush sa usa ka negosyante sa national highway Purok 2, Barangay Poblacion, Malapatan Sarangani, alas-5:13 sa hapon, Biyernes.
Giila ang gibanhigan nga sakay sa pick- up nga puti nga si Adel Plenos Libron, 37-anyos, negosyante, taga Jose Abad Santos, Davao Occidental.
Luyo sa pagkaangkon og igo sa bala sa sakyanan ni Libron, swerte kining nakaluwas sa pang-ambush.
Kasamtang nagpadayon ang paggukod sa kapulisan sa misibat nga mga suspek, butyag ni Police Major Rodel Javison, hepe sa Malapatan Municipal Police Station. (Fred Madas)