Dead on the spot ang usa ka ex-police human gipusil sa aktibo nga pulis.
Nahitabo kini didto sa Sitio Cruzan, Barangay Bulacao, Dakbayan sa Talisay, kagabii, Marso 8,2023.
Ang biktima giila sa Talisay City Police Station nga mao si Franklyn Patalinghug Bulaquia, 45 anyos ang panuigon, taga didto rapud sa naasoy nga lugar, ug kanhi na destino sa Oslob Police Station isip imbestigador
Samtang ang suspetsado naila usab nga si Patrolman Don Rusty Pilayo, 31 anyos ang pangidaron, traffic investigator sa Mandaue City Police Office.
Sa pasiunang imbestigasyon nasayran nga adunay nahitabong panaglalis sa maong lugar tungod lang sa ero.
Nisuway pag uwang ang aktibo nga pulis apan ang biktima matud pa nagkuha kini og armas de fuego sa ilang balay.
Segon pa ni depensa si Pilayo pinaagi sa pagpusil niini nga gikamatay sa biktima.
Sa pagkakaron gihimo pa ang dugang imbestigasyon may labot sa maong pagpamusil samtang nitahan sa iyang kaugalingon ang nakapusil patay. (Renante Lada, photo credits to the owner)