Opening program para sa pagsaulog sa 2023 National Women’s Month nahitabo kaina buntag dungan sa Monday Flag Raising Ceremony sa atubangan nan City Hall Compound sa pagpanguna nan City Social Welfare Development Office kun Cswdo SurigaoCity , GAD Focal office. Ini tagtambungan sa mga representante sa lain-lain na mga ahensya sanan opisina sa siyudad sa Surigao.
An programa tagsugdan sa motorcade human sa flag raising na tagtambongan ni City Mayor Pablo Yves L. Dumlao II kaiban sila City Councilor Hon. Joseph Joey Yuipco sanan Hon. Christopher Boyet Bonite. Isa ini ka timailhan na an Lokal na Panggamhanan nan Surigao ubos sa pagdumaya ni City Mayor Pablo Yves L. Dumlao II suportado an nasyonal na kasaulugan sa Women’s Month apil na sa nagkadaijang mga aktibidad sanan mga programa para sa mga kababayenhan sa siyudad.
Kuman sab na buyan jauy mga activities na tag andam an Surigao City Council of Women sama sa “Run and Zumba for a Cause” karun umaabot na petsa 8 sa Marso 2023, na pagasugdan sa alas singko (5) sa buntag. Sanan sa umaabot petsa 8 sa gabie sab mahitabo an Induction of Officers sa mga napili na bag-ong opisyales nan Surigao City Council of Women.
(Source: Surigao City PIO Facebook page)