Gibuksan sa LGU-CDO pinaagi sa City Gender and Development Focal Point System ang National Women’s Month, Marso 8, nunot sa kasaulogan sa International Women’s Day.
Gisugdan kini sa santos nga misa diha sa St. Augustine Metropolitan Cathedral diin gisundan dayon sa motorcade, zumba for all ug hamubong programa nga gipahigayon sa Gaston Park.
Mipaabot sa iyang mensahe si City Gender And Development Focal Point System Focal Person Sheila Lumbatan diin iyang gisaysay ang tinguha sa City GAD Focal Point System nga mapabati sa katawhan ang ilang presensya ug makapundar og gender transformative programs alang sa tanan.
“We prepared this activity para gyud makita na “WE ARE HERE,” gusto namo, we want an impact sa community. Gusto namo og real GAD programs that will really be gender sensitive, dili lang as gender responsive, pero kon mahimo gender transformative gyud sya, so I urge everybody and the rest of the kababayinhan to cooperate with us in coming up with real empowering women who will have equal opportunities with men,” saysay ni Lumbatan.
Gawas ni Lumbatan, mipadangat usab sa ilang mensahe si Vice Mayor Bebot Rodriguez, Committee on Women and Family Relations Chairperson City Councilor Imee Moreno ug Atty. Melanie Mae Cabanlas, kinsa miyembro sa City Gender and Development Focal Point System.
Sa laing bahin, mipasundayag sa ilang mga talento pinaagi sa intermission number sila si Vanessa Cuizon, kinsa miyembro sa Persons with Disabilities sector ug mga personahe sa Bureau of Jail Management and Penology.
Ang kalihokan gisalmotan sa mga barangay, pribadong organisasyon, pribadong kompanya, nagkadaiyang national government agencies, non-government organizations, department managers ug mga personahe gikan sa nagkadaiyang buhatan sa LGU-CDO ug uban pa.
(News & photo courtesy of Cagayan de Oro City Information Office)