Nakabsan sa iyang kinabuhi ang kanhi kapitan human gipusil sa wala matino nga suspetsado.
Pasado alas 4:00 kagahapon sa hapon, Oktobre 9,2022, didto kini nahitabo sa Barangay Bagakay, Dakbayan sa Toledo.
Naila ang biktima nga si Antonio Yumo Canonego,51 anyos ang panuigon, kanhi Barangay Kapitan sa Brgy.General Climaco,Siyudad sa Toledo.
Segon sa kapulisan sa Siyudad sa Toledo nga ang biktima uban sa iyang body guard niadto sa maong lugar aron mutambong sa fiesta.
Apan adunay lalaki nga kalit niduol dayon namusil sa biktima nga naigo sa iyang likod na maoy hinungdan sa hinalaling kamatayon.
Nakigpinusilay ang body guard ni Canonego diin samaran usab ang suspetsado nga nakasibat sa maong lugar gamit ang motorsiklo.
Ang kapulisan nagpa ubos pa sa background check sa kanhi kapitan kung wala ba kini gika away o kaha nalambigit sa illegal nga binuhatan.
Dugang imbestigasyon ang gihimo karon sa kapulisan aron pagsuta kung unsay motibo sa maong krimin ug si kinsa ang nagpaluyo niini.
via Renante Lada