Misang-at og reklamo ang kampo ni kanhi Mandaue City Mayor Jonas Cortes batok sa resulta sa bag-o lang nahuman nga eleksyon, diin si Thadeo “Jonkie” Ouano napili isip mayor sa siyudad.
Apan sa luyo sa proklamasyon, migula ang mga pangutana kung unsa ka kasaligan ang resulta sa nakalabay na pinili-ay.
Base sa ilang pormal nga reklamo nga gi-address sa City Board of Canvassers, giangkon sa kampo ni Cortes nga adunay kalihukan sa electronic manipulation, sobra nga boto, ug dili kasaligan nga mga datos nga may statistical inconsistencies.
Usa sa mga gipunting sa reklamo mao ang mosunod:
Barangay Subangdaku: 766 ra ang mitunga sa eleksyon, apan 960 valid votes ang narecord.
Barangay Pagsabungan: 688 ang nibotar, apan 754 ang naihap nga valid votes.
Barangay Tabok (Cluster 1): 739 voters, pero 924 ang nalista nga valid votes.
Barangay Tabok (Cluster 2): 871 voters, pero 1,159 valid votes ang narecord.
Ang maong datos gipasanginlan nga dili posible, ilabi na kay sobra pa sa mitunga nga botante ang naihap nga boto, nga nagpukaw ug kabalaka sa integridad sa proseso.
Ang reklamo pirmado ni Atty. Benjamin Cabrido Jr., legal counsel ni Cortes, ug opisyal nga nadawat ni Atty. Marinel Oro, miyembro sa City Board of Canvassers.
Sa laing bahin, kalma ug andam nga motubag si Mayor-elect Ouano na mutubag sa mga isyu.
Samtang nagpadayon ang imbestigasyon, naghulat ang mga Mandauehanon kung kini ba usa ka seryosong isyu sa lokal nga eleksyon o usa lamang ka politikal nga maneuver.
I via Renante Socia Lada