Nagpadayon ang Cebu sa pag-andam alang sa pag-host sa ASEAN 2026 pinaagi sa usa ka dako nga tigum sa mga ahensya sa gobyerno ug mga partner kagahapon Abril 16, 2026 sa Fili Ballroom sa NUSTAR.
Ang tigum gipanguluhan sa Cebu Organizing Committee ubos sa opisina ni Gobernador Pamela Baricuatro. Tumong niini nga mausa ang plano ug lihok sa tanang ahensya aron masiguro nga andam ang Cebu sa umaabot nga ASEAN activities.
Gipasiugda sa gobernador ang kamahinungdanon sa koordinasyon aron mahimong hapsay ug organisado ang pagdawat sa mga bisita gikan sa lain-laing nasud. Gipresentar usab ang kahimtang sa national-level preparations pinaagi sa ASEAN National Organizing Committee.
Gihisgutan sa tigum ang pag-andam sa imprastraktura sama sa pag-ayo sa mga dalan, pagpaayo sa mga lugar, kahimtang sa airport, ug pagpahimulos sa dagway sa siyudad. Apil usab ang seguridad, diin giandam ang deployment sa pulis, militar, ug uban pang ahensya.
Gihatagan usab og importansya ang emergency ug medical response, lakip ang mga drills ug koordinasyon sa mga ahensya kung adunay insidente. Gisgutan usab ang turismo ug pag-atiman sa mga bisita, sama sa tour packages ug mga plano sa pag-host.
Lakip sa gihisgutan ang media coverage ug paghatag og saktong impormasyon sa publiko aron klaro ug dali masabtan ang mga updates.
Sumala sa Cebu City Government, padayon silang makigtambayayong sa tanang ahensya aron masiguro nga andam ang Cebu sa pagdawat sa international delegates ug mahatagan sila og luwas ug maayong kasinatian sa ASEAN 2026.
Source: Cebu City PIO
I via Renante Socia Lada