Gibutyag ni Cebu City Mayor Raymond Alvin Garcia atol sa sinemang press conference nga gipahigayon kagahapong adlawa, October 21, 2024, nga mogahin ang kagamhanan sa siyudad sa Sugbo og P105 milyon para sa Sinulog 2025.
Bisan ang mga premyo ug subsidy alang sa mga musalmot nga contingents, gipatas-an sab base sa naaprubahan sa Sinulog Executive Committee. Ug sa labing unang higayon, dili na pabayron ug registration fee ang gustong musalmot sa puppeteers ug Higantes category. “Nganong ato man i-waive? Because it is a form of art and we want to promote art and we want to promote the artists,” matud ni Mayor Garcia.
Ang madawat nga premyo sa mudaug sa puppeteers ug Higantes category makadawat ug 100,000 isip first prize; 75,000 sa second prize ug 50,000 sa third prize. Duna pud pagsaka sa mga subsidy sa mga dancing contingents.
Nasayran nga gikan sa 800,000.00 pesos kaniadto, mahimo na kini karon nga 1.5 million pesos alang sa out-of-town contingents samtang 1 million pesos sab ang madawat sa Cebu City contingents ug Cebu Province, gikan sa 800,000 pesos lang kaniadto.
Bisan ang mga government agencies nga dunay float, librehon sab sa ilang registration fees. Segon ni Mayor Garcia,” we also want them to showcase their own LGU’s”.
Base sa datos sa Sinulog Foundation Incorporated, miabot na sa 17 ka mga contingents ang mipadayag sa ilang intention nga musalmot sa Sinulog Grand Parade karong Enero tuig 2025. (Renante Socia Lada)
(Source: Cebu City PIO)