Gipangunahan ni Cebu City Mayor Nestor Archival ang komemorasyon sa Liberation of Cebu City pinaagi sa wreath-laying ceremony sa Cebu Veterans Memorial sa Plaza Independencia, kagahapon Marso 27, 2026.
Ang kalihokan, nga gi-organisar sa City of Cebu pinaagi sa Cultural and Historical Affairs Commission (CHAC), nagtahod sa kaisog ug mga sakripisyo sa mga bayani sa Cebuano nga nakibatok alang sa kagawasan sa siyudad.
Matud ni Mayor Archival nga ang pagtahod sa usa ka importante nga momento sa kasaysayan, ang liberation sa Cebu City.
“Pinaagi sa wreath-laying ceremony, atong gipakita ang atong respeto ug pagpasalamat sa mga bayani nga nakipaglaban alang sa kagawasan nga atong natagamtaman karon.” saysay ni Archival.
Ang mga personalidad sa gobyerno, mga beteranos, ug mga lider sa komunidad miapil usab sa maong kalihokan.
Source: Cebu City PIO
I via Renante Socia Lada