Si Lapu-Lapu City Mayor Junard “Ahong” Chan, uban sa mga opisyal sa City Disaster Risk Reduction and Management Office (CDRRMO), gi-recognize sa National Disaster Risk Reduction and Management Council (NDRRMC) sa 24th Gawad Kalasag nga gipahigayon sa Bohol Cultural Center, Tagbilaran City, Bohol.
Ang syudad nakadawat sa National Gawad Kalasag Seal ug Special Awards for Excellence in Disaster Risk Reduction and Management (DRRM) ug Humanitarian Assistance alang sa Local DRRM Councils and Offices category.
Si Mayor Chan nakig-uban sa mga opisyal sa DRRMO nga sila si OIC Nagiel Bañacia, DRRMO Officer IV Sandy Martin Berame, DRRMO Officer I Ricky John Mingming, ug ang mga kawani sa Lapu-Lapu City DRRMO sa maong seremonya.
Ang award nagpasabot sa maayong pagdumala sa DRRM ug sa pagka-aktibo sa paghatag og tabang sa mga komunidad panahon sa mga kalamidad.
Ang Gawad Kalasag usa ka prestihiyosong pag-ila nga gihatag sa mga lokal nga yunit sa gobyerno ug mga ahensya nga nagpakita og kalampusan sa disaster risk reduction, preparedness, ug humanitarian assistance. (Renante Socia Lada)
(Source: Mayor Chan)