Usa ka babaye nasikop sa otoridad tungod sa kasong pagpangawat niadtong Disyembre 3, 2024 sa may alas 8:25 ang takna sa kagabhion.
Ang maong dinakpan naila nga si Pilar Adlawon Falconete, 40-anyos nga babaye nga residente sa Purok Palaran, Barangay Cawa-cawa, dakbayan sa Dapitan, Zamboanga del Norte.
Nasikop kimi pinaagi sa hiniusang law enforcement operation nga gipangulohan sa Dapitan City Police Station (CPS) inubanan sa mga personahe sa 5th Special Operations Unit, PNP Maritime Group; ang 901st Mobile Company, Regional Mobile Force Battalion 9; ug ang ZN 1st Provincial Mobile Force Company ubos sa pag serbe sa warrant of arrest nga giisyu ni Hon. Hilarion Jonathan Garcia Maagad, Presiding Judge sa Municipal Trial Court in Cities, 9th Judicial Region, Dapitan City ug adunay pyansa nga girekomendar nga mobalor sa P6,000.
Ang suspek gipahibalo sa iyang mga katungod sa konstitusyon ug anaa na kini sa kustodiya sa Dapitan CPS alang sa tukmang disposisyon ug pagpasaka sa tukmang kaso. (Medalyn U. Borja)
(Source: ZNPPO)