Nagdungan sa pag abot sa Looc Gym sila si Mandaue City Mayor Jonas Cortes ug Lapu-Lapu City Mayor Junard “Ahong” Chan aron sa pagbesita sa mga na biktima sa sunog.
Si Mayor Chan nipasalig na muhatag ang kagamhanan sa siyudad sa Lapu-Lapu og P1,00,000.00 para sa mga na biktima sa sunog.
Nihatag usab ang Mayor sa iyang usa ka buwan na sweldo, hygiene kit, ug mga nagkadaiyang goods na magamit sa mga biktima sa sunog.
Gipadayag ni Chan na ang duha ka dakbayan kanunay magtinabangay labi na gyud sa mga katalagman na nasinati.
Ang sunog gahapong adlawa Marso 12, 2024, didto sa Sitio UTB ug Bantayan sa Hari niabot sa 3rd alarm na ni danyos og P1.2 million.
Nikabat usab sa 502 ka mga pamilya ang na biktima sa maong sunog ug 1,708 ka mga individuals ang apiktado.
Sa pagkakaron padayong giatiman sa kagamhanan ang mga nasunugan aron tabangan kining makabangon sa maong trahedya.
(Renante Socia Lada)
