Ang Japan-based shipping company nga Nissen Kaiun Co. Ltd. naghatag og ₱58 milyon (katumbas sa $1 milyon) aron matabangan ang mga biktima sa linog sa amihanang bahin sa Cebu.
Gidawat mismo ni Governor Pamela Baricuatro ang maong donasyon gikan kang Chief Engr. Alexander E. Pineda, presidente sa Cebu Ace Maritime International Inc., nga representante ni Capt. Katsuya Abe, presidente sa Nissen Kaiun Co. Ltd., atol sa turnover ceremony karong buntag, Oktubre 9, sa Governor’s Office.
Matod ni Gob. Baricuatro, dakong tabang kini sa pagbangon ug pag-ayo sa mga lugar nga grabe kaayong naapektuhan sa linog sa norte.
Sa maong kantidad, ₱30 milyon ang gipasa ngadto sa Provincial Treasurer’s Office, samtang ang nahibilin gamiton sa kompanya alang sa padayong relief operations.
Gisugyot usab sa Japanese firm nga gamiton ang kwarta para paliton og sea ambulance ug regular ambulance aron mapalambo ang disaster ug emergency response sa probinsya.
Ang Nissen Kaiun dugay na nga partner sa Cebu, ug daghan sa ilang mga seafarers gikan mismo sa probinsya.
Ang kompanya usa usab sa mga kliyente sa Tsuneishi Heavy Industries (Cebu), usa sa mga nangunang shipbuilding companies sa Pilipinas.
Source: Cebu Province PIO
I via Renante Socia Lada