Cebu City- Andam nga mo-atubang si incoming Tuburan Mayor Democrito “Aljun” Diamante labot sa giingong pagka lambigit niini sa pasangil sa ‘illegal shipment’ sa agricultural products gikan sa Cebu ports ug ubang mga pantalan sa nasud, sama sa Cagayan De Oro, Subic sa Zambales ug Davao.
Kini human nga nalakip ang iyang pangalan sa intelligence report sa National Intelligence Coordinating Agency (NICA) nga gi submit ngadto ni Senate President Vicente Sotto III.
Base sa resulta sa imbestigasyon sa intelligence report, nilutaw ang pangalan nga ‘Jun Diamante’.
Gibutyag sa kasamtangan nga bise mayor ug incoming mayor sa Tuburan nga unang siyang na implicate sa samang pasangil sa tuig 2017, apan wala siya gi summon sa bisan unsang congressional hearing.
Nagkanayon si Diamante nga na offended siya sa subling pagka lakip sa iyang apelyido sa listahan.
Giangkon niini nga nanag-iya siya ug logistics company ug ang iyang mga kliyente naglakip sa mga multinational companies, apan matod niya nga ang iya nang anak nga lalake maoy nagdala niini sukad nahimo siyang mayor sa lungsod niadtong 2003.
Gidugang sa mayor nga ang shipment sa mga agricultural products nga gipahigayon sa iyang logistics company nagsubay sa legal nga mga proseso.
Gipahibaw ni Diamante nga willing siya nga mo abli sa book ug records sa kompaniya pagpakita ug proof nga walay irregularidad nga nalambigit sa ilang business operations.
l via Jhon Tadlip Jr.
Source: National Intelligence Coordianting Agency report
Photo: Aljun Diamante’s FB
