Usa ka inahan ug ang iyang 14-anyos nga anak ang gipusil patay sa ilang panimalay sa Sitio San Roque, Barangay Valladolid, Carcar City, pasado alas-8 sa gabii, Miyerkules, Disyembre 11, 2024.
Ang mga biktima mao si Jennive Abella, 38-anyos, ug ang iyang anak nga si Valerie Megan Abella, 14-anyos. Ang suspek sa maong krimen mao ang live-in partner ni Jennive nga si Jethur Lapiña, kinsa nadakpan dayon sa kapolisan human sa insidente.
Matud sa mga silingan, nakadungog sila og sunod-sunod nga buto sa pusil. Sa dihang ilang gitan-aw, nakita nila ang mag-inahan nga walay kinabuhi. Ang inahan naigo sa ulo, samtang ang dalagita naigo sa dughan.
Sa pasiunang imbestigasyon, nasayran nga niabot nga hubog si Lapiña ug nagkalalis sila ni Jennive. Ang kasuko misangpot sa malapason nga desisyon sa suspek nga pusilon ang iyang ka-live-in ug ang anak niini.
SA pagkakaron padayon ang kapulisan sa ilang imbestigasyon aron pagsuta sa motibo sa maong krimin samtang giandam na usab ang tukmang kaso batok sa mamumumo.
Source: Carcar City Police Station
I via Renante Socia Lada
#rpndykccebu
#675hzamband
#mrpublicservice