Na aktuhan gyud sa bana ang iyang asawa nga nakighilawas sa kabit.
Pasado alas 11:00 kagabii, Decembre 8,2022, didto sa lungsod sa Argao, Probinsya sa Sugbo .
Ang suspetsado nga asawa nga gipugngan lang usa ang pangalan sa Argao Police Station, nagpanuigon og 32 anyos, taga Canlaon City, Negros Oriental, adunay upat ka mga anak nga gibiyaan.
Ang kabit niini nagpanuigon og 21 anyos, gabasero og kahoy, taga Upper Candabong Hampang, Lungsod sa Argao, Probinsya sa Sugbo.
Sa inbestigasyon sa Argao Police Station nasayran nga ang biktima nga bana nagpanuigon og 39 anyos, driver didto sa kauluhan ug lumad nga taga Canlaon City.
Nidangop kini sa kapulisan sa maong lungsod gumikan kay adunay nitaho kaniya nga higala nga gibiyaan ang iyang upat ka anak og niadto sa iyang kabit nga taga Argao.
Sa pagsusi na sa kapulisan uban sa reklamanti naaktuhan ang pakighilawas sa duha ka mga suspetsado sud sa balay nga gipuy-an niini.
Nisuway unta pagsibat ang kabit nga lalaki apan nadakpan kini sa kapulisan.
Sa nasayran samtang wala ang bana kay didto sa kauluhan nanginabuhi nakig relasyon usab ang iyang asawa sa nakaila niini diha sa social media.
Wala ka agwanta ang duha nagtipon kini og gibiyaan ang mga anak sa babaye.
Dako ang pagmahay sa duha sa ilang nahimo nga sala apan desidedo ang bana niini nga mupasaka og kaso.
Mensahi sa asawa nga nasakpan ngadto sa uban nga dili sundon ang ilang gibuhat. (Renante Lada)