Brutal na nga gipatay ang usa ka inahan sa silingan niini didto sa Purok Mangga 2, Barangay Pajo, Lungsod sa Daanbantayan, Sugbo, pasado alas 12:00 sa udto Oktobre 7, 2024.
Ang biktima giila sa DaanBantayan Police Station na mao si mao si Necitas Marijuan Abing 52 anyos ang panuigon ug ang suspetsado naila usab nga mao si Alfonso Alajid Tundag Jr. hingkod ang panuigon, pulos sila residenti sa maong lugar.
Sa imbestigasyon sa kapulisan nasayran nga samtang nag atiman ug nagpainom sa mga hayop ang biktima gi tigbas kini sa makadaghang higayon ug gipikas pa ang baba niini.
Nisulay unta pag sibat ang mamumuno apan nasikop kini sa hot pursuit operation sa kapulisan.
Sa pagakakaron padayon ang imbestigasyon sa DaanBantayan Police Station aron pagsuta kung unsay motibo sa brutal nga pagpatay ni Tundag Jr. sa biktima nga si Abing, samtang giandam na usab ang tukmang kaso niini. (Renante Lada and Ting Joe Pepito)