Cebu City – Gihulagway nga smooth ug peaceful ang ika-duhang adlaw sa regionalized bar exams nga gipahigayon sa Sugbo.
Matod ni Konsehal Joel Garganera nga wala nay taas nga linya sa mga bar takers, nga nagpaabot nga makasud sa testing centers pagka Domingo, Pebrero 6, 2022.
“What a peaceful and successful Bar Sunday,” mensahi ni Garganera.
“Wala na kaayo’y linya kay kusog na kaayo ang proseso sa pag inspect sa requisito sa mga examinee. Mingaw kaayo ang palibot, hapsay ug tunhay ang pagpahigayon sa maong exam,” dugang sa opisya.
Miabot ug 1,200 ka mga examines gikan lang sa Sugbo ang duha ka adlaw nga bar exams nahuman pagka Domingo.
Gikonsidera kini nga historic ug una nga gipahigayon gawas sa Metro Manila.
Dunay tulo ka mga unibersidad ang gipili sa Korte Suprema nga mi host sa bar exam nga mao ang University of San Carlos, University of San Jose-Recoletos ug University of Cebu.
“… this is it, the final stretch. But don’t rush. Think of it as if it’s still the first day of the Bar exams. You’ve got this,” mensahi ni UC Law Dean Atty Al-Shwaid De Leon Ismael.
“After going through Covid and Odette, we made it! We boast of a peaceful and calm location, one table and outlet for each examinee, a safe eating area with fresh to calm ones spirit and state of the art facilities,” paambit ni Atty Elaine Bathan Assistant Dean ug Legal Counsel sa USJR.
Sa ilang bahin ang, Philippine National Police, mi deploy ug 200 ka mga officers pagsiguro sa peace and order sa testing centers sugod sa alas 3 sa kadlawon.
Ang pasulit sa bar dunay walo ka mga subjects: political law, civil law, taxation, labor law, criminal law, remedial law, mercantile law, and legal and judicial ethics.
Sa kinatibuk-an dunay 11,378 ka mga law graduates lokop nasud ang mikuha sa 2020/21 bar exam.
Dunay 31 ka mga testing sites sa 22 ka mga local government units lokop nasud.
(Sources: Councilor Joel Garganera | Asst. Dean Atty Elaine Bathan, USJR Law | Dean Al-Shwaid De Leon Ismael, UC Law, photos courtesy by Joel Garganera)