Usa ka 60-anyos nga lalaki nga taga dakbayan sa Sugbo nga usa ka high-value individual, nadakpan sa buy-bust operation niadtong niaging gabii didto sa Barangay Mactan, dakbayan sa Lapu-lapu.
Nakuha gikan sa possession sa suspek ang 1,530 gramos nga gituohang shabu nga gitak-opan sa transparent plastic packs nga adunay standard nga presyo sa drugas nga PhP10,404,000.00, usa ka unit sa Infinity caliber .45 pistol nga puno sa mga bala, ug uban pang drug paraphernalia.
Ang mga nag-unang operatiba sa City Intelligence Unit/City Drug Enforcement Unit, uban sa mga personahe sa Mobile Patrol Unit, Lapu-lapu City Police Office (LCPO), daling misumite sa maong mga ebidensiya ngadto sa Forensic Unit alang sa pagsusi ug temporaryong gitanggong ang suspek sa custodial facility sa LCPO Headquarters.
Sa usa ka pamahayag, si Regional Director, PBGEN ANTHONY A ABERIN, niingon nga siguruhon sa PRO7 ang pagkakonbikto sa nasangpit nga suspek sa paglapas sa RA 9165 o Comprehensive Dangerous Drugs Act of 2002 ug RA 10591 o Comprehensive Firearms and Ammunition Regulation Act
“This arrest is a product of our extensive campaign against all forms of criminality in Central Visayas, ensuring the community’s security and safety ”, dugang ni PBGen. Aberin. (Renante Lada & Ting Joe Pepito)
(Source: PRO-7)