Ang Police Regional Office 7 (PRO7) nakadakop sa usa ka high-value drug suspect ug pagkumpiskar sa ₱1.7 milyon nga kantidad sa giingong shabu sa usa ka intelligence-driven operation nga gipahigayon sa Police Station 4 (Mabolo Police) niadtong Nobyembre 25, 2025, sa Sitio Marna, Barangay Mabolo, Cebu City
Niadtong alas 8:36 sa gabii, gidakop sa mga operatiba sa PS4 ang usa ka 31-anyos nga suspetsado nga nailhan sa pangan nga “Lando,” residente sa Brgy. Quiot, Cebu City, nga giila nga aktibo sa lokal nga drug distribution network.
Nasakmit gikan sa suspetsado ang 250 gramos sa giingong shabu nga nagkantidad og ₱1.7 milyon, buy-bust money, ug usa ka sling bag nga gigamit sa pagtago sa iligal nga drogas. Sumala sa preliminary investigation, nakabaligya ang suspetsado og 100 hangtod 300 gramos nga shabu matag semana, nagpamatuod sa iyang dako nga papel sa pag-supply sa iligal nga drogas sa lugar.
Ang nakuhang ebidensya gisumiter sa Regional Forensic Unit alang sa laboratory examination samtang nagpadayon ang follow-up investigation aron matino ang tinubdan sa iligal nga drogas ug maila ang uban pang nalambigit sa operasyon.
Ang suspetsado mag-atubang sa kaso ubos sa Sections 5 ug 11 sa Republic Act 9165.
“We will continue to track, arrest, and stop drug networks and criminal operations that threaten the safety of our communities. I commend the Mabolo Police for their swift action, ” segon ni PBGEN Redrico A Maranan, Regional Director, PRO7.
Source: PRO7 PIO
I via Renante Socia Lada