Nasikop sa Police Regional Office 7 ang usa ka lalaki nga giingong suspek sa frustrated murder atol sa usa ka operasyon sa buntag sa Cebu City.
Pasado alas-9:20 sa buntag, Nobyembre 26, 2025, gilusad sa mga personahe sa Police Station 10 sa Cebu City Police Office ang operasyon sa Sitio Anahaw, Barangay Buhisan, Cebu City. Didto nila nadakpan ang 46-anyos nga lalaki pinaagi sa Warrant of Arrest alang sa kaso nga Frustrated Murder nga gi-isyu ni Presiding Judge Ricky Jones Sanchez Macabaya sa RTC Branch 5, 7th Judicial Region, niadtong Hulyo 15, 2025. Ang kaso adunay girekomendar nga piyansa nga ₱200,000.
Gipahimutang na karon ang suspek sa custodial facility sa PS10, samtang naghulat sa iyang pagpresentar sa korte nga nag-isyu sa mando.
Gipasalig ni Regional Director PBGEN Redrico A. Maranan ang pagdayeg sa grupo nga mi-operate ug miingon nga padayon ang PRO7 sa pagpangdakop sa mga wanted persons aron masiguro ang hustisya.
Giawhag usab sa PRO7 ang publiko nga motabang pinaagi sa paghatag og impormasyon kabahin sa ubang wanted persons nga nagpabilin nga nagtago.
Source: PRO7 PIO
I via Renante Socia Lada