Nabalhog karon sa bilangguan ang usa ka lalaki nga nalakip sa High Value Individual human nasikop sa gipahigayon nga buy-bust operation sa Mandaue City Police Office. Didto kini nahitabo sa Realty Road, NRA, Brgy. Subangdaku, dakbayan sa Mandaue, kagahapon sa kadlawon, Hulyo 20, 2024.
Ang suspetsado giila sa MCPO nga mao si Joannar Paul Vercide a.k.a. Atoy (HVI), 23 anyos, ulitawo, residenti sa Lower Malibu, Brgy. Subangdaku, siyudad sa Mandaue.
Ang mga sakop sa CIU/CDEU sa MCPO maoy nilusad sa maong buy-bust operation sa pakig-alayon sa PDEA-7. Mga pinakiting shabu nga adunay timbang nga 50 gramos ug standard drug value nga Php340,000.00 ang nakuha sa suspetsado.
Sa pagkakaron giandam na ang kasong kalapasan sa Sec. 5 ug Sec. 11, sa Art II of R.A. 9165. (Renante Lada & Ting Joe Pepito)