Nahulog sa mga kamot sa Mandaue City Police Office ang usa ka lalaki nga nalakip sa High Value Individual (HVI) sa dakbayan sa Mandaue.
Ang buy-bust operation gilusad didto sa Sitio Liong, Brgy. Alang-Alang, siyudad sa Mandaue, pasado alas 11:00 kagabii, Hulyo 21, 2024.
Ang suspetsado giila sa taga MCPO nga mao si Paul Novem Eborda Abellana a.k.a ” POL” (HVI), 41 anyosu, ulitawo, ug residenti sa Zone Camote, Brgy. Paknaan, dakbayan sa Mandaue.
Ang mga sakop sa Police Station 1, CDEU ug RDEU, sa PRO7 uban sa PDEA-7 maoy nilusad sa maong buy-bust operation.
Nakuha kang Abellana ang mga binultong shabu na adunay timbang nga 400 gramos ug standard drug value nga Php2,720,000.00.
Sa pagkakaron giandam na ang kasong kalapasan sa of Sec. 5 and Sec. 11, Art II of R.A. 9165 batok sa suspetsado. (Renante Lada & Ting Joe Pepito)