Nagtinabangay ang DOH-7 ug Cebu Provincial Government sa vaccination drive batok measles ug rubella o tigdas, nga gipahigayon gikan Agosto 10 hangtod 28.
Target sa kampanya nga mahatagan og dugang proteksyon ang mga 630,000 ka bata nga edad 6 hangtod 59 ka bulan sa Cebu ug Bohol. Libre, luwas ug epektibo ang bakuna.
Sa Cebu, gamiton isip vaccination sites ang mga provincial ug district hospitals, rural health units ug ubang health facilities. Motabang usab ang barangay health workers sa pagpangita ug pagparehistro sa mga bata nga kwalipikado sa bakuna.
Matud sa DOH, misaka og 32 porsyento ang kaso sa measles ug rubella sa nasud niadtong 2025, ug 73 porsyento niini mga bata nga wala mabakunahi.
I via Renante Socia Lada