Gidayeg sa Cebu City Government ang Cebu City Police Office (CCPO) tungod sa dakong pagkunhod sa mga kaso sa krimen sa siyudad niadtong Enero 2026.
Base sa opisyal nga datos, mikunhod og 38.93 porsiyento ang total nga krimen. Gikan sa 596 ka kaso niadtong Enero 2025, nahimong 364 ka kaso nalang sa Enero 2026. Apil sa giihap nga mga insidente ang index crimes, non-index crimes, ug mga aksidente sa dalan o vehicular incidents.
Sumala sa Cebu City Government, dako ang natabang sa maong pagkunhod sa krimen tungod sa gipalig-on nga operasyon sa kapulisan ug mga lakang sa pagpugong sa kriminalidad nga gipahigayon sa CCPO.
Gipasalamatan usab sa syudad ang dedikasyon ug paningkamot sa mga pulis sa CCPO sa pagpanalipod sa kaluwasan sa katawhan ug sa pagpadayon sa kalinaw ug kahapsay sa Cebu City.
Source: CCPO
I via Renante Socia Lada