Gipahibawo ni Cebu Governor Pamela Baricuatro nga wala nay dako nga Christmas party ang Kapitolyo karong tuiga, subay sa mga kalamidad nga mikusokuso sa Probinsya sa Cebu sa miaging mga semana.
Gipahimangnoan niya ang maong desisyon atol sa Christmas lighting ceremony nga gipahigayon sa Cebu Provincial Capitol Grounds niadtong Lunes, Disyembre 1. Bisan pa man, iyang giklaro nga gitugotan gihapon ang matag opisina sa Kapitolyo nga maglambigit sa gagmayng selebrasyon aron makapahimulos gihapon ang mga empleyado sa espiritu sa Pasko uban sa ilang mga kauban.
“The usual big gathering will not happen. Anyway, this Christmas is not about extravagance. It is about reflection. About choosing to be better—not bitter. Kinder—not angrier. More united—not divided,” matud pa ni Gov. Baricuatro. Iyang gidugang nga ang kahayag sa Pasko magpahinumdom nga ang Sugbo angay tagaan ug “mas malumo nga ugma.”
“May this Christmas be the beginning of reconciliation… the beginning of wiser choices… the beginning of a Cebu where compassion is stronger than politics, and where public service is truly for the public,” dugang pa sa gobernador.
Ang Kapitolyo nag-awhag sa katawhan nga ang pagselebrar sa Pasko dili sukdan sa kadako sa kalihokan, kondili sa kalalom sa paghinabi, pag-ayo, ug pagtinabangay tali sa mga Sugbuanon.
Source: Cebu Province PIO
I via Renante Socia Lada