Naghatud og kadasig ug kinasingkasing nga mensahe si Cebu Governor Pam Baricuatro atol sa 4th Quarter Cebu ABSNET Meeting sa Department of Social Welfare and Development (DSWD) alang sa Residential ug Community-Based Cluster, nga gipahigayon niadtong Martes, Disyembre 2, sa Events Hall sa 1NITO Tower, Cebu City.
Sa iyang pamulong, mipasalamat si Gob. Baricuatro sa pagdapit kaniya sa maong panagtigum, ilabi na human sa mga hagit nga gisagubang sa Sugbo sa miaging mga bulan sama sa linog, bagyo ug baha. “Seeing all of you here reminds me of one thing: Cebu heals because people like you never stop caring,” matud sa gobernador.
Ang ABSNET o Area-Based Standards Network naglangkob sa mga rehistrado, lisensyado ug accredited nga NGOs ubos sa DSWD. Gipaambit usab sa gobernador nga wala lamang siya misulti isip opisyal sa gobyerno, kondili isip usa ka tawo nga nakasinati usab og kalisod gikan sa iyang yano nga sinugdanan.
Gila ni Gob. Baricuatro ang kabug-at sa emosyon ug hilom nga mga sakripisyo sa mga nag-atiman sa kabataan, pamilya ug komunidad. “And yet, bisan kapoy, padayon gihapon mo. You show up, you serve, and you stand with our people in their hardest moments,” iyang mensahe sa mga partisipante nga gihulagway niyang lifeline sa daghang komunidad pinaagi sa paghatag og tabang, psychosocial support, ug pagpanalipod sa labing bulnerable.
Gipasabot sa gobernador nga ang Probinsyal nga Gobyerno nag-ila ug nagpasalamat sa ilang kabuhat, ug padayon nga mosuporta niini. Gipaluyohan niya ang plano nga palig-onon pa ang child protection programs, pagpaayo sa care centers, pagdugang og training alang sa social workers, ug pagpalapad sa kooperasyon tali sa Kapitolyo ug partner NGOs.
Source: Cebu Province PIO
I via Renante Socia Lada