Wala nay kinabuihi nga niaabot sa tambalanan ang usa ka lalaki human gidunggab sa laing lalaki nga nag selos kaniya.
Ang krimin nahitabo kagahapon sa kadlawon Nobyimbre 4, 2024, didto sa Sitio Hillside, Brgy.Talamban ning syudad sa Sugbo.
Ang nakalas giila sa Talamban Police Station na mao si Denmark Clarin Inocando, 28, mulopyo sa Sitio Hillside, Barangay Talamban, Sugbo.
Naila usab ang suspetsado nga mao si Vincent Valdez. hingkod ang panuigon, taga didto rapud sa maong lugar.
Sa imbestigasyon sa kapulisan nasayran nga ang kaipon sa suspetsado nakig inom sa biktima nga maoy hinungdan nga gi selosan kini ni Valdez.
Sa kalagot gi dunggab kini nga maoy hinungdan sa kamatayon sa biktima gumikan sa grabing igo niini nga dinunggaban sa lawas.
Segun sa imbestigasyon sa kapulisan nagselos ang suspetsado sanglit naguda kini nga dunay relasyon ang iyang kapuyo ngadto sa biktima dihang nakita niya ang duha nga nagka-inom sa wala pa ang krimin.
Sa pagkakaron giandam na ang kasong murder batok sa sustsado nga niunay sa pagdunggab patay sa iyang bayaw. (Renante Lada)