Nakabsan gyud sa kinabuhi ang usa ka Foreman human gibunalan og tubo sa iyang Construction worker.
Nahitabo kini kagahapon sa udto, Agusto, 14, 2023, didto sa F. Zuelig Street, Barangay Centro, dakbayan sa Mandaue.
Ang biktima giila sa Mandaue City Police Office (MCPO) nga mao si Isidro Marzon Cameros, 57 anyos ang panuigon, minyo, ug residenti sa Sitio Morhay, Barangay Tisa, dakbayan sa Sugbo.
Naila usab ang suspetsado nga mao si Fausto Julio Quiño, 58 anyos ang pangidaron, taga Barangay. Tagustusan Balilihan, probinsya sa Bohol.
Sa inbestigasyon sa MCPO nga nag Foreman og Construction worker nagkalalis tungod sa trabaho og gihulga ang suspetsado nga taktakon kini.
Sa kasuko ni Quiño iyang gibunalan og tubo si Cameros samtang natulog kini na ni resulta sa iyang kamatayon.
Nisulay unta pagsibat ang mamumuno apan napugngan kini sa iyang mga kaubanan og na turn over sa gwardiya sa kapulisna sa MCPO.
Sa pagakakaron giandam na ang tukmang kaso batok sa suspetsado nga nipatay sa iyang mismong Foreman. (Renante Socia Lada)