Usa ka babaye ang nadakpan sa sulod sa mall sa SRP human masakpi sa entrapment operation nga gihimo sa kapulisan tungod sa reklamo nga nagpakaaron-ingnong fixer sa annulment sa kasal.
Ang suspek giila nga si Monette Queen Marine Abanggan, 33 anyos, taga Talibon, Bohol. Gidakop siya sa mga sakop sa Mambaling Police Station sa sulod sa usa ka restaurant sa SM Seaside City Cebu, pasado alas 11 sa buntag, niadtong Martes, Hulyo 29, 2025.
Ang reklamo miabot gikan sa usa ka opisyal sa Philippine Coast Guard (Lieutenant), nga giingong gihangyo sa suspek nga bayaran siya og ₱200,000 alang sa “no show annulment” – kuno dili na kini kinahanglan motambong sa korte.
Nakadawat na og down payment nga ₱50,000 ang suspek, apan nagduda ang biktima ug nasuta nga wala diay kini tinuod nga koneksyon sa abogado o sa korte. Mao nga midangop siya sa kapulisan nga mipahigayon dayon og operasyon.
Karon, gipreso na si Abanggan ug giandam ang kasong estafa batok kaniya.
📷 Mambaling Police Station
I via Renante Socia Lada