Usa ka lalaki nga bag-ong nakagawas sa prisohan ang nakabsan sa kinabuhi human gipusil, kagahapon sa buntag, Hunyo 22, 2025. Ang insidente nahitabo sa dalan B. Aranas, Barangay San Nicolas Proper sa dakbayan sa Sugbo.
Giila sa kapulisan ang biktima nga si Ronnie Aya-ay Lawas, 33-anyos, residente sa Sityo Kastilaan, Barangay Ermita. Si Lawas bag-o lang nakagawas sa Abuyog Penal Colony sa Leyte, diin siya kaniadto napriso.
Base sa CCTV footage nga nakuha sa maong lugar, gipusil ang biktima sa riding in tandem nga iyang gikasugat. Nakahiagom og daghang pinusilan ang biktima.
Gidali pa og dala sa tambalanan si Lawas apan gi diklarar kining dead on arrival. Ang kapulisan sa San Nicolas nagpadayon karon sa imbestigasyon aron matino ang motibo ug kinsa ang responsable sa maong krimen.
Gipangayo sa mga otoridad ang kooperasyon sa publiko ilabina sa mga posible nga nakasaksi sa insidente. Gilauman nga pinaagi sa CCTV ug testimonya, madakpan ang suspek ug mapadangat ang hustisya sa pamilya sa biktima.
I via Renante Socia Lada