Makalilisang ang gihimo sa usa ka call center agent human miabak sa 18-ka andana nga condo. Didto sa Urban Deca Homes Tower 3 nga nahimutang sa Barangay Banilad, dakbayan sa Mandaue, kagahapon sa buntag, Hunyo 22, 2025. Ang biktima giila nga si Aljer Brillo, 28-anyos, lalaki, single, ug residente sa maong dapit.
Base sa imbestigasyon sa mga otoridad, ang insidente nahitabo pasado alas 5:30 sa buntag. Si Brillo kuno misulod sa iyang kwarto sa ika-18 nga andana sa Tower 3 dayon milayat sa bintana nga mitugpa sa ubos.
Nakadawat og report ang kapulisan pasado alas 6:50 sa buntag, dali kining miadto sa lugar, apan ilang nadiskubre nga patay na si Brillo.
Sa pagkakaron padayon ang imbestigasyon sa kapulisan aron matino ang motibo sa maong insidente ug masuta kung wala ba kini foul play.
📸 CTTO
I via Renante Socia Lada