DAVAO CITY – Patay ang usa ka kanhing magsisibya human kini gipusil sa buntag sa Lunes, Hunyo 23, 2025, sa Calina Street, Barangay Lagao.
Giila ang biktima nga si Ali Macalintal, nga kasamtangang nagtrabaho isip usa ka acupuncturist.
Sumala sa imbestigasyon, usa ka lalaking nagpaka-kustomer ang nagpa-book og acupuncture session. Apan, pipila lang ka minuto ang milabay, kalit niyang gipusil ang biktima ug misibat sakay sa motorsiklo padulong sa Aradaza Street.
Gideklarang dead on arrival sa ospital si Macalintal.
Nasayran usab nga adunay nadawat nga mga hulga sa kinabuhi ang biktima sa wala pa ang maong insidente.
Padayon pa ang imbestigasyon sa kapulisan aron matino ang motibo ug pagkakilanlan sa suspek. (Camille Santos Naraga)(Source: Contributed)