Cebu City – Gumikan sa nakitang downtrend sa Covid-19 cases sa Syudad sa Sugbo, temporaryo nga gipahunong sa Emergency Operations Center (EOC) ang operation sa pito ka mga Barangay Isolation Centers (BICs), samtang lima na lang sa pito ka isolation hotels ang nag accommodate ug mga tawo nga nagpositibo sa respiratory disease, adlawang Lunes, Oktubre 11, 2021.
Sa 10 ka BICs sa Syudad sa Sugbo, ang BICs sa Zapatera, Banilad ug ang Mega Stay-in Center sa Cebu City Sports Center ang nagpabilin nga abli isip quarantine facilities alang sa asymptomatic nga mga indibidwal.
Temporaryo nga gisirado ang BICs sa Talamban, Guadalupe, City Central School, Mabolo, Labangon, San Nicolas ug Don Sergio Osmena Sr. Memorial High School, kini tungod kay ang kanhi mga occupants sa nahisgutang pasilidad nanga ayo na gikan sa Covid-19.
Sa mga isolation hotels, wala nay mga asymptomatic individuals nga nag istar sa Sampaguita Suites ug Griffin Hotel.
Dunay mga occupants ang Travel Bee Fuente, Travel Bee Capitol, Cebu Grand Hotel, Hotel Pier Cuatro ug ang In & Go, apan dili tanan sa mga nag okupar gikan sa Syudad sa Sugbo, tungod kay ang ubang local government units migamit ug isolation hotels alang sa ilang mga asymptomatic Covid-19 cases.
Gianunsyo ni City Councilor Joel Garganera, deputy chief implementer sa EOC, kagahapon nga ang critical care occupancy rate sa 15 ka mga pribadong ug pampublikong hospital sa Syudad sa Sugbo anaa sa 28 porsiento.
Matod ni Garganera nga ang occupancy sa Cebu City Quarantine Center duna lay 10 porsiento.
Gihangop ni Garganera ang pag kunhod sa critical care utilization rate sa mga tambalanan, tungod kay alang niya nga maka pahuway na ang mga medical frontliners gikan sa stressful nga sitwasyon sa imaging buwan sa Agosto, kanus-a ang occupancy rate sa hospital miabot sa 80 porsiento.
Sa kinatibuk-an ang Syudad sa Sugbo dunay fully vaccinated nga 319,296 gikan sa 738,353 ka mga tawo nga mi sign up sa Covid-19 vaccination sa Pabakunata.com.
Gipahibaw sa opisyal nga pagka Oktubre 10, ang syudad duna na lay 499 ka mga Covid-19 active cases.
(News & photo courtesy of Emergency Operations Center – Cebu City)