Mitala sa pinakubos nga ihap sa COVID 19 cases ang Cagayan de Oro adlaw’ng Sabado, October 9, nga anaa lamang sa 13 human sa pila ka bulan nga surge.
Base sa datus sa City Health Office (CHO) anaa na lamang sa 1,548 ang total active cases ug 6 ka pending resulta na lamang ang gihulatan.
Tungod niini, anaa na lamang sa 5.99 ang Average Daily Attack Rate (ADAR) sa syudad ug LOW RISK na kini samtang ang Two Week Growth Rate anaa usab sa -32%.
Nagpabilin pa gihapon sa Moderate Risk ang Hospital Care Utilization Rate (HCUR) nga anaa sa 48.14% gikan sa 53.13% niadtong October 6 ug 7.
Apan bisan pa man niini, hugot pa gihapon ang panawagan sa City Health Office ingon man si Mayor Oscar Moreno sa katawhan nga kanunay sundon ang minimum public health standards ug dili magkompyansa aron masustenir ang maong mga datus ug mabutang na sa mas luag nga quarantine classification ang Cagayan de Oro.
(Source: City Health Office | Cagayan de Oro City Philippines Facebook page)
