Iriga City — Bawal an ano man na aktibidad sa laog kan gabos na kampo santo sa banwaan nin Baao sa selebrasyon kan todos los santos o pistang kalag sa maabot na Nobyembre 1, ini katakod kan padagos na pagkakaigua nin mga kaso nin covid-19 asin presenting yaon pa sa alert level 4 an probinsya nin Camarines Sur.
Ini an laman kan executive order no. 45 series of 2021 na pirmado ni alkalde Jeff Besenio tanganing malimitaran an pagdagsa kan mga tawo sa mga kampo santo sa nasabing aldaw.
Alagad tanganing dai mahali an maray na tradisyon kan mga Katoliko na kun panahon nin “undas” yaon sinda sa pag-guiromdom kan mga namaaram ng mahal sa buhay.
Tinataw’an man giraray nin panahon an mga ini tanganing mabisita depende sa schedule na itinalaan kan executive order sa 30ng barangay kan Baao.
Poon petsa 24 kan bulan na presente hasta petsa 7 kan bulan na Nobyembre an itinalaan na aldaw sa kada tulong barangay tanganing makabisita sa lubong kan saindang mga mahal sa buhay.
Alagad mayo nin schedule sa petsa 29 hasta Nobyembre 4, apuera na sa lubong na dai man ibinawal sa pirmadong executive order.