Ang mga residente sa Polanco, Zamboanga del Norte, naapod-aporan sa 200 ka seedlings sa durian, rambutan, ug lauan tree species niadtong Hulyo 17, 2024, didto sa Mega Isolation Center Covered Court Polanco.
Ang maong pag apod-apod gipangulohan ni CENR Officer Adelaida R. Borja sa CENRO Piñan, dungan sa pag selebrar sa 50th Nutrition Month sa Polanco, subay sa temang “Sa PPAN: Sama-sama sa Nutrisyong Sapat Para sa Lahat!”
Sa wala pa ang pag-apod-apod, ang mga personahe sa CENRO Piñan ug On-the-Job Trainees miapil sa usa ka motorcade ug miduyog sa selebrasyon nga programa.
Si Municipal Mayor Evan Hope Olvis, midayeg sa pag-apod-apod sa mga seedling, gitataw isip pag-ila sa interes sa komunidad ug kaayohan sa kinaiyahan, pinaagi sa pagpananom og mga kahoy alang sa lokal.
Dugang pa, gipasalamatan niini ang kolaborasyon sa DENR, alang sa pagtubag sa mga panginahanglan alang sa panaghiusa, ug nagpasalamat sa mga partisipante. (Medalyn U. Borja)
(Source: DENR Zamboanga Peninsula)