Cebu: Dul-an sa 20 ka tuig nga husay nahukman sa Sandigabayan nga sad-an ang mga Martinez, Radaza ug mga kaubang akusado; MR gitinguna sa grupo

0
141

Cebu City – Gihukman sa Sandiganbayan Sixth Division human sa dul-an 20 ka tuig nga pag husay sila si kanhi Cebu Fourth District Rep. Clavel Asas-Martinez, incumbent Lapu-Lapu City Rep. Paz Radaza ug ubang mga kanhi opisyal nga guilty sa Malversation of Public Funds ug kalapasan sa Anti-Graft and Corrupt Practices Act kalabot sa anomalosong pagpagawas ug pundo gikan sa Girl Scout of the Philippines-Cebu Council nga mikabat ug minilyon ka pesos niadtong tuig 2002.

Visit RPN DYKC Cebu

Ang mga respondents naglakip nila ni : Radaza, kinsa maoy treasurer niadtog higayona sa GSP-Cebu Council gikan sa 1997-2003; kanhi Bogo City (munisipalidad kaniadto) Mayor Celestino “Tining” Martinez III, kinsa anak ni Clavel; Rhett Minguez (municipal treasurer); Cresencio Verdidad (municipal accountant); Rhodariza Kilantang ( GSP-Cebu Council bookkeeper); Julieta Quinio (GSP-Cebu Council cashier-designate); Maria Cielo Martine (kanhi sab GS-Cebu Council treasurer ug anak ni Clavel); ug Alejandrita Meca.

Ang tulo ka mga Martinez, si Minguez, Verdida, Kilantang ug Quinio gipasahan ug two counts (SB-12-CRM-0380 to 0381) gumikan sa kalapasan sa Section 3(e) sa Republic Act No. 3019 ug Malversation ubos sa Article 217 sa Revised Penal Code.

Sila Clavel, Tining, Minguez, Verdidad, Kilantang, Quinio, Meca ug Radaza gipasahan ug upat ka counts ( SB_14-CRM- 0283 to 0286) sa samang kalapasan.

Sa SB-12-CRM-0380, nahukman ang tanang mga akusado nga guilty sa nahisgutang krimen ug gi sentensyahan sa penalty nga pagka bilanggo sa unom ka tuig ug usa ka buwan ug usa ka adlaw isip minimum, ngadto sa 10 ka tuig mga maoy maximum.

Ang tanang mga akusado gi sentensyahan sab ug perpetual disqualification paghupot ug bisan unsang pwesto sa goberno ug dili na maka dawat sa tanang retirement benefits ubos sa balaod.

Sa SB-12-CRM-0381, nahukman ang tanang mga akusado nga guilty sa krimen ug gi sentensyahan ug pagka priso ug walo ka tuig ug usa ka adlaw prision mayor sa medium period, isip minimum ngadto sa 17 ka tuig ug upat ka buwan sa reclusion temporal medium period nga maoy maximum.

Ang tanang mga akusado gi sentensyahan sab ug perpetual disqualification sa paghupot ug bisan unsang pwesto sa goberno ug dili na maka dawat sa tanang retirement benefits ubos sa balaud.

Dugang niini, ang tanang mga akusado gimandoan nga mobayad ug fine nga P10M matag usa.

Sa SB-14-CRM-0283 ug 0284, nahukman ang tanang mga akusado nga guilty beyond reasonable doubts ug gi sentensyahan nga mo suffer sa penalty nga pagka bilanggo ug unom ka tuig ug usa ka adlaw ug usa ka buwan nga minimum ngadto sa 10 ka tuig nga maoy maximum, lakip na ang perpetual disqualification nga maka hupot sa bisan unsang pwesto sa goberno ug dili na maka dawat sa tanan nilang retirement benefits ubos sa balaud.

Sa SB-14-CRM-0285, ang mga akusado nga sila si Clavel, Tining, ug Verdida, nahukman nga guilty beyond reasonable doubt sa malversation of public funds ug gi sentensyahan nga mo suffer sa pagka bilanggo ug 10 ka tuig ug usa ka adlaw sa prision mayor, isip minimum ngadto sa 17 ka tuig, upat ka buwan, ug usa ka adlaw sa reclusion temporal nga maoy maximum.

Dugang niini, ang mga akusado pahamtangan ug perpetual disqualification paghupot ug bisan unsang pwesto sa goberno ug dili na maka dawat sa tanang retirement benefits ubos sa balaud.

Gimando sab sa korte nga ang tanang mga akusado mobayad ug fine nga P7.1 million.

Ang mga akusado, jointly and severally liable pag uli o reimburse ngadto sa goberno, pinaagi sa Bureau of Treasury ang kantidad nga P7.1, dugang pa ang interest nga gi compute gikan sa finality sa decision hangtud nga ma fully paid.

Kabahin sa akusado nga si Meca, kinsa nagpabiling at large, ug wala pa ma arraigned sa maong mga kaso, ang mga records gipa archives ug I revive sa higayon nga dunay voluntary surrender o pagka arresto.

Conspiracy

Nakita sa korte nga ang akusado nga si Clavel nakig conspire sa tanang mga kaubang akusado pag withdraw, sa tulo ka managlahing petsa/okasyon, mga mi sumada ug P25 million gikan sa Landbank accounts sa GSP-Cebu Council, representing sa iyang PDAF allocations gikan sa tuig 2002 ug 2003.

“While it is true that the totality of the evidence adduced in these cases point to the conclusion that it was only accused Clavel A. Martinez who reaped the fruits of what they sow as no amount was shown to have been shared or given to any of the other accused, they were all shown to have conspired with one another and are therefore liable as co-principals,” tipik sa desisyon sa korte.

Dili pa final sa ilang tubag, matod ni Tining nga dili pa final ang maong desisyon ug mosang-at ug motion for reconsideration ang ilang kampo.

Si Radaza, pinaagi sa iyang abogado Anzen Dy, nagkanayon nga kining maong mga kaso dili related sa iyang pag discharge sa iyang trabaho isip public officer, tungod kay ang maong mga kaso isip kini private individual sa iyang capacity nga kanhi treasurer sa GSP-Cebu Council.

“The Court held that there was conspiracy among all the accused, hence the verdict. In its joint decision, the Court, nevertheless, found that the pieces of evidence on record are clear that Cong. Radaza did not solicit the subject funds; neither did the evidence show that she participated in the transfer, receipt and deposit of said funds to the bank account of GSP-Cebu Council. The Court also noted that there is likewise nothing in the prosecution’s evidence that would even suggest that Cong. Radaza benefited financially from the transfer and withdrawal of said funds,” kabahin sa tubag sa kampo ni Radaza.

Dugang sa kampo ni Radaza nga ilang buhaton ang tanang legal remedies aron mabakwi ang joint decision  batok kaniya. (Jhon Tadlip)

(News & photo courtesy of Sandiganbayan Sixth Division)

Leave a Reply